زينوها ودفنوها

زينوها وادفنوها والكفن ثوب الزفاف=غصب عنها زوجوها وسلموها للغريب
مجبره ماشاوروها قصدهم شرع العفاف=ما دروا إن البنية مغرمة ولها حبيب
جهزوها وهي تبكي وترتشف الدمع إرتشاف=وخبروها موعد الفرح منها قريب
مالقت أحد فهمها وهمها ناظر وشاف=إن حكت باللي سكنها مالقت لها مجيب
وكإنها هي وافقتهم ،. جرعوها الزعاف=حالها من فعل أهلها صار محزن ومريب
والحفل قرب وقامت ترتجف الخوف إرتجاف=كل يوم تقول باكر الفرح بإذن الرقيب
باكر يمكن يفهمون قصتي بآخر المطاف=جا باكر ثم عدا وجا بعد باكر" عطيب
وعلقوا عقد الإناره واحتشد فرد والآف=أيقنت إن الجرح جرحها ماله طبيب
وإنها لازم تطيع أمرهم وترضى بالعساف=جوزوها والدمع يفوق جفنها الحلو الرطيب
قالوا ياله إلبسي ثوب الزفاف=كفنوها وفي نظرهم زوجوها للأديب
فرشوها الهم دايم والأسى لها لحاف=ياحسافة دخلوها والحشا يغلي لهيب
و أحكموا قيد البنية وأسجنوها بإلتفاف=ودعتهم وهي تردد حسبي الله " الحسيب
رحلتي ماهيب طويلة ورجعتي بعد القطاف=سافرت عن دار اهلها وقلبها خطر و صويب
سافرت مع منهو خطفها من أمانيها الضعاف=خايفة مستوحشة وقلبها ينبض بذكرى ماضية
حاولت ترضى بقدرها وللحدث هي تستجيب=بس عيت تقتنع وعشقها ذاك الضفاف
هو سألها جاوبيني ليه دمعاتك"سريب=ليه لي ماتنظرين وانا زوجك شخص واف
قالت بنبرة خجولة أنا في وضع " رهيب=غصب عني زوجوني واطعنوني بالرهاف
هو سكت لحظة تأمل وش اسوي يامجيب=عقله وقلبه نطقها صاحب النخوه يعاف
قال منهو غير حبي يسكن بقلبك نجيب = من تولى عرش قلبك إهتنى به ياعفاف
وباكر الرجعة تراها وامسحي الدمع العجيب =- خايف إني أمسكك واقترف ذنب إقتراف
إضحكت ضحكة وقالت مابعد هالطيب طيب = الله يجازيك عني الأجر ويسر الطواف
ارجعت وقالت رجعت ياأهل الشرع "الغريب = بنتكم جتكم ولكن من بعد ذل وحساف
وابعثت مرسول عاجل أنا جيتك يالحبيب = النذر اللي نذرته صار وافي يامناف
اجلست يوم وتأخر لارسالة ولامجيب = وعقلها يمها تشتت وبدت من طول الغيبة تخاف
مرها طفل صغير واسألت عن الصحيب = قال مات بليلة زفافك وإندفن بعد الزفاف
ناحت بحسره وطالت الليالي والنحيب = ودعت قبل اللقاء حلمها الزاهي وطاف
إقتلوها مرتين وشابت ماقبل المشيب = وذاب " قلب " قد تعلق والبصر جاه الكفاف